2021 жылғы 26 қаңтарда "Қазавиаорманқорғау" РМҚК бас директоры Кесимбаевтың төрағалығымен бейнеконференцбайланыс арқылы мемлекеттік қызметшілердің сыбайлас жемқорлыққа қарсы мәдениетін қалыптастыруға арналған жиналыс өткізілді. Жиналыстың күн тәртібінде кәсіпорынның сыбайлас жемқорлыққа қарсы қызметі (2021 жылға арналған жоспар) және сыбайлас жемқорлыққа қарсы комплаенс-қызметінің функцияларын орындайтын сыбайлас жемқорлыққа қарсы құрылымдық бөлімше құру туралы мәселелер айтылды.

Жиналыс барысында заң бөлімінің басшысы Ж. О. Ибраев сөз сөйледі:

- "2020 жылғы 6 қазанда" Сыбайлас жемқорлыққа қарсы іс-қимыл туралы "Қазақстан Республикасының Заңына енгізілген түзетулерге сәйкес квазимемлекеттік сектор субъектілерінде сыбайлас жемқорлыққа қарсы комплеанс-қызметтердің функцияларын орындайтын, негізгі міндеті тиісті ұйымның және оның қызметкерлерінің Қазақстан Республикасының Сыбайлас жемқорлыққа қарсы іс-қимыл туралы заңнамасын сақтауын қамтамасыз ету болып табылатын құрылымдық бөлімшелерді айқындау туралы," Қазавиаорманқорғау " РМҚК сыбайлас жемқорлыққа қарсы комплеанс-қызметінің функциялары заң бөліміне жүктелген. Биылғы жылы сыбайлас жемқорлық құқық бұзушылықтардың алдын алу және оларға жол бермеу жөніндегі жұмыс бекітілген жоспарға сәйкес жүргізілетін болады".

Сондай-ақ, сыбайлас жемқорлыққа қарсы күрестің пәрменді тетігі сыбайлас жемқорлыққа қарсы іс-қимылдың тиімді жұмыс істейтін жүйесі болуы тиіс екендігі атап өтілді.

Жиын соңында "Қазавиаорманқорғау" РМҚК бас директоры Кесимбаев Арман сөз сөйледі:

"Мемлекеттік қызметшілердің сыбайлас жемқорлыққа қарсы мінез-құлқы Мемлекеттік қызмет туралы Заңның 52-бабында белгіленген, оның нормаларынан мемлекеттік қызметшілер сыбайлас жемқорлық көріністеріне қарсы тұруға, сыбайлас жемқорлық құқық бұзушылықтарға жол бермеуге, басқа мемлекеттік қызметшілер тарапынан сыбайлас жемқорлық құқық бұзушылық фактілерінің жолын кесуге тиіс екендігі келіп шығады.

Сонымен бірге, егер мемлекеттік қызметшінің сыбайлас жемқорлық құқық бұзушылық туралы ақпараты болса, ол мұндай құқық бұзушылықты болғызбау және тоқтату жөнінде қажетті шаралар қолдануға, оның ішінде жоғары тұрған басшыға, өзі жұмыс істейтін мемлекеттік органның басшылығына, уәкілетті мемлекеттік органдарға жазбаша нысанда дереу хабарлауға тиіс. Мемлекеттік қызметші өзін басқа адамдардың сыбайлас жемқорлық құқық бұзушылықтар жасауға көндіру жағдайлары туралы да аталған адамдар мен органдарға жазбаша нысанда дереу хабарлауға міндетті."