2021 жылғы 23 ақпанда БҰҰДБ Қазақстан Республикасында биоалуантүрлілікті сақтау жөніндегі жобасының бастамасы бойынша бейнеконференция арқылы орман заңнамасы саласындағы құқық бұзушылықтардың алдын алу және жолын кесу, орман өрттерінің алдын алу, оларды уақтылы анықтау және жою, мемлекеттік орман қоры аумағында жеке және заңды тұлғалардың өрт қауіпсіздігі қағидаларын сақтауын қамтамасыз ету жөніндегі іс-шараларды өткізу мәселелерін талқылау бойынша жұмыс кеңесі өтті.
Кеңеске облыстық табиғи ресурстар және табиғат пайдалануды реттеу басқармаларының, облыстық аумақтық инспекциялардың, орман және ауыл шаруашылығы саласындағы жетекші жоғары оқу орындарының өкілдері қатысты. "Қазавиаорманқорғау" РМҚК атынан кеңеске ЖПҚ инспекторы В. П. Санаров қатысты.
