"Қазавиаорманқорғау" РМҚК Риддер, Бородулиха, Көкшетау және Қарқаралы авиациялық бөлімшелерінде 2021 жылдың өрт қауіпті маусымына дайындық шеңберінде десанттық-өрт сөндіру қызметінің жеке құрамы келесі арнайы пәндер бойынша теориялық оқытудан өтеді:

1. Орман қорын күзету және қорғау авиациялық жұмыстарды жүзеге асыру қағидалары;

2. Десанттық дайындық;

3. Орманөртсөндіру жабдықтар мен механизмдер;

4. Байланыс және ақпарат;

5. Ормандарды қорғау және орман өрттерін сөндіру;

6. Еңбекті қорғау және қауіпсіздік техникасы.

Бұған қоса, авиация бөлімшелерінің аумағында кеңселер ғимараттары мен басқа да үй-жайларды қардан тазарту, авиация бөлімшесін қайта іске қосу, өрт сөндіру, байланыс құралдары мен таборлық мүлікті тексеру және дайындау жүргізіледі.

Оның ішінде: десанттық-өрт сөндіру қызметі жеке құрамының дене дайындығы бойынша нормативтер тапсыру, өрт сөндіру құралдарын өрістете отырып, орман өрттерін сөндіру бойынша жаттығуларды пысықтау бойынша сабақтар өткізіледі.