ЖАМБЫЛ АВИАЦИЯЛЫҚ БӨЛІМШЕСІНІҢ ОРМАН АВИАЦИЯЛЫҚ ЖҰМЫСТАРЫН БАСТАУЫ
2021 жылғы 6 сәуірде Жамбыл авиациялық бөлімшесінің қызметкерлері Partenavia P. 68 ұшағымен күзетілетін аумақты ұшып өтті. Авиациямен қарауылдау мақсаты өрт қауіпті маусым басталғанға дейін күзетілетін аумақта туындаған өрттерді тіркеуді жүргізу болды. Әуеде қарауылдау барысында Өрнек ауылдық округінің жерінен өрт шығып, қамыс өртенді. Барлық ақпарат өртті оқшаулау және жою бойынша жедел шаралар қабылдау үшін жердегі өрт сөндіру қызметтеріне жедел жеткізілді.
