2021 жылғы 15 қарашада Павлодар облыстық орман шаруашылығы және жануарлар дүниесі аумақтық инспекциясында Павлодар ОТИ басшысының төрағалығымен ВКС режимінде "2021 жылғы өрт қауіпті маусымның қорытындылары және Павлодар облысының аумағында 2022 жылғы өрт қауіпті маусымға дайындық жөніндегі міндеттер" тақырыбында кеңес өтті. Павлодар облысының орман иеленушілері 2021 жылғы өрт қауіпті маусымда атқарылған жұмыстар туралы есеп берді. Кеңес барысында 2021 жылғы өрт қауіпті маусымда облыс аумағында жалпы ауданы 810 га орман өрттерінің 114 жағдайы тіркелгені атап өтілді. Облыстың орман шаруашылығы кәсіпорындарын өрт жабдықтарымен жабдықтау бойынша қабылданған шараларға ерекше назар аударылды. Жеке тұлғалардың Облыстың мемлекеттік орман қоры аумағында болуын шектеуге және өрт қаупі жоғары кезеңдерде орман пайдалану құқығына қатысты мәселе, оның ішінде орман қорғау мекемелері үшін пилотсыз ұшу аппараттарын сатып алу мүмкіндігін қарауға қатысты мәселе қаралды. "Қазавиаорманқорғау" РМҚК атынан кеңеске Баянауыл және Павлодар авиациялық бөлімшелерінің басшылары қатысты.