2022 жылғы 30 cәуірде Асу-Бұлақ КММ Синегорск орманшылығының 36 және 43 орамдарының аумағында болған өрт ұзақ және табанды күрестен кейін 2022 жылғы 2 мамырда оқшауланды. Өртке қарсы күресті Өскемен авиациялық бөлімшесінің өрт сөндіруші десантшылары, жердегі орман күзеті және ТЖД қызметкерлері жүргізді. Өртті сөндіру күрделі таулы рельефпен және қатты екпінді желмен күрделене түсті.

Өртті сөндіруге қосымша Ми-8 және Ми-171 тікұшақтары тартылды, олардың көмегімен өрт шыққан жерге су жеткізіліп, өрт ошағына мақсатты су ағызылды. Өрт ошағына жалпы салмағы 25 тонна болатын 10 мақсатты су ағызылды. Өртті сөндіру бойынша жұмыстар жүргізілуде.