Өскемен, Катон-Қарағай және Риддер авиация бөлімінің жеке құрамы жер бетінде тиянақты және жан-жақты дайындау, түсудің барлық элементтерін пысықтау, әртүрлі ұшуларды зерделеу мақсатында арнайы тренажер мұнарасының базасында жерүсті жаттығуларынан өтті. «Орман арнайы жасақтарының» практикалық дағдыларын тәжірибелі тәлімгерлер – авиациялық өртке қарсы қызмет басшысы, авиация бөлімдерінің басшылары және ұшқыш-бақылаушылар дайындады.

Атап айтатын болсақ, белсенді орман өрті аймағына жерүсті көлігімен жету әрдайым мүмкін емес, ал күштер мен құралдарды авиациямен жеткізген кезде қауіпсіз қону алаңын таңдау әрдайым мүмкін емес. Мұндай жағдайларда тікұшақтың көмегімен өрт аймағына әскерлерді қондыру туралы шешім қабылданады. Әуеден ұшқыш-бақылаушы десантшы-өрт сөндірушілердің түсуіне қолайлы, ағаштардың тәждері арасындағы өлшемі 5х5 метрден кем емес орын таңдалады.

Айта кететін болсақ, мұндай оқу-жаттығулар жыл сайын - өрт маусымының басында және ортасында өткізіледі. Қысқы демалыстан кейін тікұшақтан түсу техникасын есте сақтау және алынған дағдыларды бекіту өте маңызды, өйткені бұл орман авиациясы жұмысының қауіпсіздігінің негіздерінің бірі болып табылады.

Тікұшақ осы «шоғырланудың» үстінде ағаш шыңдарынан кемінде 10 метр биіктікте (жерге дейінгі биіктігі 45 метрден аспауы керек) ұшады. Есікті бақылаушы-ұшқыш ашып және 50 метрлік аса берік (үзілуге 900 кг) бауды тастайды, ол бойынша түсіру ролик құрылғысының көмегімен тікелей тікұшақтан жерге өрт сөндіру-десантшылары түседі.

Жаттығу кезінде бақылаушы ұшқыш пен өрт сөндіруші десантшылардың өзара әрекеті, түсу жылдамдығы (орташа-секундына үш метр), дұрыс қону және тағы басқалары бақыланылады.