2022 жылдың 1 маусымында Жаңасемей филиалының қала маңындағы орман шаруашылығының 163 және 164 кварталдарының аумағында ірі орман өрті анықталды. Өртті сөндіруге Жаңасемей филиалы мен ТЖД айтарлықтай күштері мен құралдары тартылды, Бородулиха авиациялық бөлімінің мамандары жерүсті күштерінің ауадан іс-қимылын үйлестіруді қамтамасыз етті. Қатты желдің салдарынан өрттің таралу жылдамдығын, оның қарқындылығын, ауданын және басқа факторларды ескере отырып, өртті тез тоқтату мүмкін болмады, қосымша күштер мен құралдарды тарту туралы шешім қабылданды. 2 маусымда Бөкебай авиациялық бөлімінің мамандары жерүсті күштерінің әуеден іс-қимылын үйлестіруді қамтамасыз етті. Өртті сөндіруге 300 - ден астам адам мен 50 бірлік техника жұмылдырылды. Барлық қызметтердің үйлесімді іс-қимылдарының арқасында өрт ауыздықталды. Қазіргі уақытта өрттің жекелеген ошақтарын толық сөндіру жүріп жатыр.