Қазіргі уақытта "Қазавиаорманқорғау" РМҚК Жамбыл авиа бөлімінің қорғалатын аумағында бесінші өрт қауіптілігі сыныбы байқалады.

Аймақта ауа температурасы +30ºС жоғары көрсетуде. Бұл байқаусыздықтан шөпке  темекі және сіріңкенің шоғы жерге түссе лапылдап, жануға дайын тұрған қауіпті кезеңнің басталғаны. Соған орай күнделікті тікұшақ және ұшақ орман авиациалық жұмыстарын күніне үш мәртеге дейін әуеге көтерілуде.

Жамбыл авиа тобының десантшылары әрдайым 100% дайын болуда. Қорғалатын орман қорының  көлемі 3 млн 48 мын гектар. Қазіргі кезде орман өрттері тіркелген жоқ, себебі шөп дымқыл-жасыл. Бірақ, маусым айының соңына таман өсімдіктердің толық сарғаюы мен шабындық жұмыстары жүргізілетіндіктен "Қазавиаорманқорғау" РМҚК Жамбыл авиа тобының жұмысшылары тілсіз жаумен күресуге сақадай сай.

Жазғы кезеңнің басталуымен өрт шығу қауіпі артады. Сондықтан орманда болған кезде өрт қауіпсіздігі ережеcін қатаң сақтау керек.

Өрт қауіпті маусымда орманда тыйым салынады: 

• Орман күзеті көрсетілмеген және арнайы жабдықталмаған жерлерде от жағуға;
• Бөтелкелерді, шыны сынықтарды және басқа қоқыстарды қалдыру;
• Темекіні, жанып жанып жатқан сіріңкені тастауға;
• Техникамен ұшқын өшіргішсіз орманға бару.

Бекзат Байшалов,

"Қазавиаорманқорғау" РМҚК Жамбыл авиа тобының жетекшісі

https://kazgazeta.kz/news/126134