2022 жылдың 20 маусымында Қарқаралы авиациялық бөлімінің мамандары Қарқаралы МҰТП өкілдерімен бірлесіп, заңсыз ағаш кесу, браконьерлік және ҚР табиғатты қорғау заңнамасын бұзу фактілерін анықтау мақсатында авиациялық рейд жүргізді. Авиациямен қарауылдау барысында күзетілетін аумақтағы екпелердің орман патологиялық жай-күйін тексеру және бағалау, халықтың орманға жаппай баратын орындарын, туристік маршруттар мен алаңдарды қарап шығу жүргізілді. Орман-авиациялық жұмыстарды орындау қорытындысы бойынша Қазақстан Республикасының табиғат қорғау заңнамасын бұзу фактілері анықталған жоқ. Бұзушылықтарды болдырмау және анықтау мақсатында аталған бірлескен жұмыс Қарқаралы МҰТП аумағында тұрақты түрде жүргізілетін болады.