2022 жылдың 11 тамызында Бөкебай авиациялық бөлімінің мамандары табиғи кешендер мен объектілерді қорғау қызметінің жедел тобының өкілдерімен бірлесіп табиғат пайдалану қағидаларының сақталуын бақылау және табиғат қорғау заңнамасын бұзу фактілерін анықтау мақсатында қорғалатын аумақты аралап шықты. Авиациямен қарауылдау барысында табиғатты қорғау заңнамасын бұзу - орманды заңсыз кесу фактісі анықталды. Аталған факті полиция бөлімінде тіркеліп, қазіргі уақытта тергеу шаралары жүргізілуде.