2019 жылғы 3 мамырда Баянауыл авиациялық бөлімшесі Баянауыл мемлекеттік ұлттық табиғи паркінің аумағында ірі орман өрттерін сөндіруді ұйымдастыруға жауапты Баянауыл ауданының мекемелері мен бөлімшелерінің байқауларына қатысты. Іс-шара барысында ұйымдардың төтенше жағдайларды (ірі орман өрттерін) жоюға дайындығы мен жабдықталуы тексерілді. Байқауға Баянауыл ауданы төтенше жағдайлар бөлімі, Баянауыл МҰТП, № 24 Баянауыл өрт сөндіру бөлімі, "Қазавиаорманқорғау" РМҚК Баянауыл авиациялық бөлімшесі, Баянауыл ішкі істер бөлімі, Баянауыл АЭЖ , Баянауыл аудандық ауруханасы қатысты. Тексеру Баянауыл МҰТП жерлерінде орман өрттерін сөндіру үшін күштер мен құралдарды тарту жоспарына сәйкес аудандық ТЖ бөлімімен ұйымдастырылды.

Өрт күзеті бөлімшелерінің және авариялық-құтқару құралымдарының күштері мен құралдарын, өзге де күштер мен құралдарды тарту облыс аумағында немесе тиісті муниципалдық ауданның аумағында төтенше жағдай режимі енгізілген кезде немесе орман өрттері құрамалары дербес сөндіре алмайтын орман өрттерінің саны туындаған кезде жүзеге асырылады.

Өрттерді сөндіру жөніндегі іс-қимылдар өрт туралы хабарлама алған сәттен басталады және бөлімшелер тұрақты орналасқан жерге қайтып оралғаннан, кезекші қарауыл мен техниканы дайындыққа келтіргеннен кейін аяқталған болып есептеледі және оған:

1. қоңырауларды қабылдау және өңдеу;

2. шақыру орнына шығу және бару (өрт);

3. өртті барлау;

4. адамдарды және мүлікті құтқару, эвакуациялау;

5. күштер мен құралдарды өрістету;

6. жануды оқшаулау және жою;

7. төтенше жағдайларды жою кезінде арнайы, авариялық-құтқару және кезек күттірмейтін жұмыстарды орындау;

8. бөлімшеге жинау және қайтару.

Орман өрттерін сөндіру бойынша іс-қимылдар өрт сөндіру тактикасына, өрт сөндіру кезінде қауіпсіздік және еңбекті қорғау ережелерінің талаптарына сәйкес орындалатынын атап өту қажет, және жоғары психологиялық және физикалық жүктеме, жоғары қауіп, өрт сөндіруге қатысушылардың өмірі мен денсаулығына тікелей қауіп төнгенде жүргізілуі мүмкін.