2019 жылғы 31 шілдеде халықты ақпараттандыру бағдарламасы аясында Баянауыл авиациялық бөлімшесінің авиа өрт сөндіру тобының нұсқаушысы Е. Б. Ибраев Жасыбай демалыс аймағының шатырлы қалашығының демалушылары арасында өртке қарсы тақырыпта профилактикалық дәріс өткізді.

Дәріс барысында қатысушылар мемлекеттік орман қоры аумағында отты пайдалану кезіндегі сақтық шараларымен, орман өртін байқаған кездегі іс-әрекеттермен, орманға барғанда санитарлық нормаларды сақтау ережелерімен танысты. Дәріс соңында қатысушыларға үгіт-насихат парақшалары таратылды.