Екінші тәулік бойы Бақтыша орманшылығының 16 кварталына, Қарқаралы МҰТП аумағына өткен ірі өртпен күрес жүріп жатыр. Қатты желдің салдарынан өрт орман шаруашылығының басқа кварталдарына тез тарады. Өртті сөндіру қиын жерде, нашар көрінумен, желдің қатты екпінімен (16 м/с дейін) күрделене түседі. Өртті сөндіру үшін сыртқы аспадағы суағар құрылғысы бар бірінші класты Ми-171 тікұшағы және "Қазавиаорманқорғау"РМҚК Ми-2 тікұшағы тартылды. Өртке ауадан бақылау орнатылды.

Өрт сөндіруге Қарқаралы авиациялық бөлімшесінің өрт сөндіруші десантшылары, Қарқаралы МҰТП күштері мен құралдары, ерікті өрт сөндіру құрамалары, ТЖД, ІІМ қызметкерлері тартылды. Қарқаралы ауданында табиғи сипаттағы төтенше жағдай режимі жарияланды. Өрт сөндіруге 200-ден астам адам, 45-тен астам техника, "Қазавиаорманқорғау" РМҚК 2 тікұшағы жұмылдырылды. Өрт сөндіру жұмыстары жүргізілуде.