2019 жылғы 10 қыркүйекте Павлодар авиациялық бөлімшесі күзететін аумақты авиациямен қарауылдау барысында "Ертіс орманы" МОТР РММ Бесқарағай филиалының Маралды орманшылығының 148 кварталының аумағында өрт шықты. Өрт апатымен күреске Павлодар авиациялық бөлімшесі мен Бесқарғай филиалының күштері мен құралдары жіберілді. Өртті сөндіруге Павлодар авиациялық бөлімшесінің тікұшағы мен 2 өрт сөндіруші-десантшысы, Бесқарғай филиалының 12 адамы, 2 техника жұмылдырылды. Жедел қабылданған шаралардың арқасында өрт 0.001 га кіші алаңда жойылды.