2020 жылғы 10 сәуірде Баянауыл авиациялық бөлімшесі Баянауыл мемлекеттік ұлттық табиғи паркі аумағында ірі орман өрттерін сөндіруді ұйымдастыруға жауапты Баянауыл ауданының мекемелері мен бөлімшелерінің байқауына қатысты. Іс-шара барысында ұйымдардың төтенше жағдайларды (ірі орман өрттерін) жоюға дайындығы мен жабдықталуы тексерілді. Байқауға Баянауыл Төтенше жағдайлар бөлімі, Баянауыл МҰТП және "Қазавиаорманқорғау"РМҚК Баянауыл Авиациялық бөлімшесі қатысты. Павлодар ОАИ Павлодар облысы ТЖ Департаментімен бірлесіп, Баянауыл МҰТП жерлерінде орман өрттерін сөндіру үшін күштер мен құралдарды тарту жоспарына сәйкес тексеруді ұйымдастырды.

Өрт сөндіру бөлімдері мен авариялық-құтқару бөлімшелерінің күштері мен құралдарын, басқа күштер мен құралдарды тарту облыс немесе тиісті муниципалды округ аумағында төтенше жағдай режимі енгізілген кезде немесе өрт сөндіру бөлімшелері өз бетінше сөндіре алмайтын орман өрттерінің саны туындаған кезде жүзеге асырылады.

Өрттерді сөндіру жөніндегі іс-қимылдар өрт туралы хабарлама алған сәттен басталады және бөлімшелер тұрақты орналасу орнына оралғаннан, кезекші қарауыл мен техниканы әзірлікке келтіргеннен кейін аяқталған болып есептеледі және өзіне келесіні қосады:

1. қоңырауларды қабылдау және өңдеу;

2. шақыру (өрт) орнына шығу және бару;

3. өртті барлау;

4. адамдарды және мүлікті құтқару, эвакуациялау;

5. күштер мен құралдарды өрістету;

6. жануды оқшаулау және жою;

7. төтенше жағдайларды жою кезінде арнайы, авариялық-құтқару және кезек күттірмейтін жұмыстарды орындау;

8. жинау және бөлімшелерге оралу.

Орман өрттерін сөндіру жөніндегі іс-қимылдар өрт сөндіру тактикасына, өрт сөндіру кезіндегі қауіпсіздік және еңбекті қорғау жөніндегі қағидалардың талаптарына сәйкес орындалып, жоғары психологиялық және дене жүктемесі, жоғары қауіп, өрт сөндіруге қатысушылардың өмірі мен денсаулығына тікелей қауіп төнген жағдайда жүргізілуі мүмкін екендігін айта кету керек.