2020 жылдың 5 маусымында  "Семей Орманы" МОТР РММ Морозов филиалында Морозов филиалының қызметкерлерімен дәріс өтті. Дәріс барысында жердегі орман күзеті мен "Қазавиаорманқорғау" РМҚК-ның өзара іс-қимылына қатысты мәселелер көтерілді, атап айтқанда:

- орман өртін сөндіру кезінде ормандарды авиациялық және жердегі қорғау арасындағы өзара іс-қимыл жасау;

- әуе кемесімен радиоалмасу жүргізу;

- әуе кемесінің қатысуымен өртті оқшаулау және жою кезіндегі қауіпсіздік техникасы.

Бесқарағай аудандық ТЖБ өкілі дала өрттерін сөндіруге қатысты дәріс оқыды, шоқ өкілдері өрт сөндіру кезіндегі қауіпсіздік техникасы бойынша дәріс өткізді. Мәселелерді талқылау барысында ортақ бір міндет айқындалды-орман өрттерін сөндіруге қатысатын барлық құрылымдардың нақты өзара іс-қимылы.