Көктемнің басталуымен жылдан жылға орман өрттерінің саны артады: ормандар өртеніп жатыр, саяжайлар мен бақша учаскелері өртеніп жатыр, автомобиль және теміржол бойында шөп түтіндейді. Табиғи өрттердің пайда болуының басты себебі бұрыннан белгілі: 100% жағдайдың 80% - ында бұл адамдардың іс-әрекеттерімен байланысты.

Абайсыздық, немқұрайлылық және мәдениетсіздік кінәлі. Тасталған темекі тұқылы, сөндірілмеген от — осының барлығы жануға және ауыр зардаптарға әкеп соғады. Табиғи өрттердің алдын алудың жалғыз шарасы-өрт қауіпсіздігі ережелерін сақтау, Ұқыптылық және сақтық.

Құрметті Зеренді ауданының тұрғындары, сіздерге өз-өзіңізді ғана емес, өзгелерді де бақылауыңызды сұраймын. Табиғатта демалып жатқанда өрт қауіпсіздігі шаралары туралы ұмытпаңыз: темекі тұқылдары мен сіріңкелерді мұқият сөндіріңіз, отты қараусыз қалдырмаңыз, шөпті күйдірмеңіз, орманға шыны ыдысты лақтырмаңыз, майланған және бензинге малынған шүберектерді қалдырмаңыз.

Қазір ауыл шаруашылығы қызметкерлері, орман қоры учаскелерін жалға алушылар құрғақ шөптер мен бұталарды бақылап күйдіруді белсенді жүргізуде. Мұндай алдын алу шаралары болашақта өрттің алдын алады. Алайда, егер мұндай жану бақылаусыз жүргізілсе, өрттің пайда болуы сөзсіз. Егер сіз қала сыртындағы тас жолмен автокөлікпен жүрсеңіз немесе орманда серуендеп жүргенде орман өртінің куәгері болсаңыз, немқұрайлы болмаңыз, оны сөндіру бойынша шаралар қолданыңыз, жергілікті өрт күзетіне хабарлаңыз немесе 87272 718146 телефоны бойынша республикалық диспетчерлік қызметке қоңырау шалыңыз. Орман өртін дер кезінде анықтау және оны жою үшін жедел шаралар қолдану салдардың ауырлығын азайтуға және тұрғын үйлер мен материалдық құндылықтарды оттан сақтауға мүмкіндік береді.

Бірлескен күш-жігермен және өзара түсіністік негізінде біз 2020 жылы табиғи өрттермен байланысты төтенше жағдайлардың алдын алу үшін қажеттінің бәрін жасаймыз деп сенім білдіргім келеді.

Д.Гущин, Көкшетау авиациялық бөлімшесінің АӨҚ инструкторы.

Зерен газеті.