2022 жылдың 12 маусымында Баянауыл МҰТП Баянауыл орман шаруашылығы 24 орамының аумағында өрт анықталды. Өртті сөндіру және одан әрі таралуына жол бермеу үшін өрт орнына Баянауыл авиация бөлімінің десантшы-өрт сөндірушілері, жерүсті орман күзетінің және жергілікті өрт сөндіру бөлімінің қызметкерлері техникаларымен жіберілді. Барлық қызметтердің келісілген іс-әрекетінің арқасында өрт оқшауланып, жойылды.

2022 жылдың 11 маусымында Баянауыл МҰТП Баянауыл орман шаруашылығы 6 және 81 орамдарының аумағында 2 өрт оқиғасы анықталды. Өртті сөндіру және одан әрі таралуына жол бермеу үшін өрт орнына Баянауыл авиация бөлімінің десантшы-өрт сөндірушілері және жерүсті орман күзетінің қызметкерлері техникаларымен жіберілді. Барлық қызметтердің келісілген іс-қимылдарының арқасында өрттер оқшауланып, жойылды.

2022 жылғы 10 маусымда Қарқаралы авиация бөлімінің қызметкерлері Қарқаралы МҰТП Қарқаралы орман шаруашылығының 14 және 50 орамдарында 2 өрт оқиғасын анықтады. Сол күні Қарқаралы МҰТП Горный орман шаруашылығының 102 орамы аумағында өрт анықталды. Өртті сөндіру және одан әрі таралуына жол бермеу үшін өрт орнына Қарқаралы авиация бөлімінің десантшы-өрт сөндірушілері және жерүсті орман күзетшілері техникаларымен жіберілді. Барлық қызметтердің келісілген іс-қимылдарының арқасында өрттер оқшауланып, жойылды.

2022 жылғы 10 маусымда Жамбыл авиациялық бөлімінің қызметкерлері Жамбыл облысы әкімдігінің Табиғи ресурстар және табиғат пайдалануды реттеу басқармасының және Мойынқұм ҚМУ өкілдерімен бірлесіп, табиғат пайдалану қағидаларының сақталуын бақылау және табиғат қорғау заңнамасын бұзу фактілерін анықтау мақсатында қорғалатын аумақты аралап шығуды жүзеге асырды. Авиациямен қарауылдау барысында табиғат қорғау заңнамасын бұзушылықтар анықталған жоқ.

2022 жылдың 10 маусымында Қостанай авиациялық бөлімінің өрт сөндіруші десантшысы- Е.Е. Джармухамбетов халықты ақпараттандыру бойынша Бағдарлама шеңберінде Әулиекөл ауданы білім бөлімінің "Лесная бастауыш мектебі" ММ оқушылары арасында өртке қарсы тақырыпта алдын алу дәрісін өткізді. Дәріс барысында балалар ормандағы отты пайдалану кезіндегі сақтық шараларымен, орман өртін анықтау кезіндегі іс-әрекеттермен, орманға барған кезде санитарлық нормаларды сақтау ережелерімен таныстырылды. Дәріс барысында оқушыларға өртке қарсы насихат бойынша парақшалар таратылды.

Алматы және Талдықорған авиациялық бөлімшелерінің жеке құрамы мұқият және жан-жақты дайындық, түсірудің барлық элементтерін пысықтау, әртүрлі тәсілдерді зерделеу және оларды орындау бойынша жаттығу мақсатында әуе дайындығынан өтті. "Орман арнайы жасағының" тәжірибелік машықтарын тәжірибелі тәлімгерлер - авиациялық бөлімшелердің басшылары және бақылаушы-ұшқыштар пысықтады.

Қолданыстағы орман өрті ауданына жер үсті көлігімен жету әрдайым мүмкін емес, ал авиация күштері мен құралдарын жеткізген кезде қауіпсіз қону алаңын таңдау мүмкін емес. Мұндай жағдайларда өрт болған жерге тікұшақтың көмегімен десант түсіру туралы шешім қабылданады. Бақылаушы-ұшқыш ауадан десантшыларды түсіруге жарамды, көлемі ағаштардың ұшар бастарының арасында кемінде 5х5 метр өрт алаңын таңдап алады.

Айта кету керек, мұндай жаттығулар жыл сайын - өрт қаупі бар маусымның басында және ортасында өткізіледі. Қысқы үзілістен кейін тікұшақтан түсу әдістемесін еске түсіру және алған дағдыларын бекіту өте маңызды, өйткені бұл орман-авиациялық жұмыстарды жүргізу қауіпсіздігінің негіздерінің бірі.

Тікұшақ осы "құдықтың" үстінен ағаштардың ұшынан кемінде 10 метр биіктікте (бұл ретте жерге дейінгі биіктік 45 метрден аспауы тиіс) ілінеді. Бақылаушы-ұшқыш есікті ашады және 50 метрлік аса берік (үзілуге 900 кг) бауды тастайды, ол бойынша түсіру ролик құрылғысының көмегімен тікелей тікұшақтан жерге өрт сөндіруші-десантшылар түседі.

Жаттығу кезінде бақылаушы ұшқыш пен өрт сөндіруші десантшылардың өзара әрекеті, түсу жылдамдығы (орташа-секундына үш метр), дұрыс қону және тағы басқалар бақыланады.

Сондай-ақ бақылаушы-ұшқыштар Су ағызу құрылғысының (БҚҚ) көмегімен өрт ошағына суды ағызу дәлдігін пысықтады. Айта кету керек, суағар құрылғысымен жұмыс істеу күрделі және қауіпті және ұшу құрамының жоғары дайындығын талап етеді.

Еліміздегі орман қорын әуеден бақылайтын "Қазавиорманқорғау" РМҚК мекемесінің қызметкерлері Алматы облысының аумағында орман өрті жағдайындағы оқу-жаттығу жұмыстарын орындады. Бұл туралы  kazgazeta.kz тілшісі хабарлайды.

Боралдайдағы алаңда алғашқы жұмыс-тапсырмаларына әуе десантшылары қатысты. Олар әуе кемесімен бірнеше биіктік өлшемдеріндегі норамативтерді орындады. Бұл жұмыстардың маңыздылығы зор. Себебі,  орман өртінің аймағына көлікпен, тіпті жаяу жету мүмкін болмайтын таулы-беткейлерде осындай авиациялық жұмыстар аса қажет. Сондықтан, тек тікұшақ көмегімен жалын аймағына әуе десантшылары қонып, өртті сөніруге кірісе алады. Бұл тұрғыда бүгінгі жұмыстың мекеме қызметкерлеріне қысқы демалыстан кейін тікұшақтан түсу техникасын есте сақтау мен дағыларын қалыптастыруға қосатын үлесі айтарлықтай. Айта кетейік, биылғы оқу-жаттығу жұмыстарына мекемеге жаңадан алынған КСК-5 құрылғысы қолданылды.

Келесі кезектегі, оқу-жаттығу жұмыстары Сорбұлақ көлінде жалғасты. Мұнда далалы аймақтағы орман өртіне Ми-8АМТ тікұшағы су сорғы құрылғысымен ұшып, өртті сөндіруге жылдам әрекет жасады. Соңында тікұшақ көмегемен себілген судан өрт бәсеңдеп, оған жерден өрт сөндіруші құрам жалынды толық ауыздықтады. "Су төгетін құрылғымен жұмыс қиын және қауіпті және ұшу экипажының жоғары дайындығын талап етеді",-дейді "Қазавиорманқорғау" РМҚК мекемесінің Алматы авиабөлімшесінің бақылаушы-ұшқышы Якупжан Ибрагимов. Тапсырмаларды "Қазавиорманқорғау" РМҚК мекемесінің Алматы және Талдықорған авиабөлімшелерінің десантшы, өрт сөндіру қызметкерлері орындады.

Талғат ӘЛИЕВ,

"Қазавиорманқорғау" РМҚК бас директорының орынбасары:

-Бүгінгі шарада "Қазавиаорманқорғау" РМҚК Авиациялық-өрт сөндіру қызметкерлерін жаттықтыру жұмыстары жүргізілді. Бұл әсіресе техника жете алмайтын орындарда жүргізілетін жұмыстар. Өйткені, қазіргі уақытта таулы жерлерге демалып, саяхаттап, қыдырып, серуендеп баратындар саны жыл сайын артып келеді. Соған сәйкес, ол жерлердегі орман өрті қауіпсіздігін сақтамау салдарларынан антропогендік өрт сипаты жиі тіркеліп жатады. Ал оны сөндіру жұмыстары көп жағдайда тікұшақ көмегімен, әуе десантшыларын қондыру тәсілдерімен ғана орындалады. Бүгінгі жаттығудың маңызы осы іс-әрекеттерді тәжірибелік деңгейде қайталау.

Жыл сайын Қазақстан аумағында 500-ден-1300-ге дейін орман өрті тіркеледі. Сан жағынан далалы аймақтағы көрсеткіш жоғары. Көбінесе, ауыл-аймақтың мал шаруашылығы жерлерінде жиі орын алады. Оның әр түрлі себептері бар.

Биыл осы уақытқа дейінгі аралықта Қазақстанның мемлекеттік орман қорының аумағында 194 орман өрті тіркелген.  Оның жалпы аумағы 20 мың гектардан асты. Біздің тапсырма бойынша орман өрттеріне қатысу 80 %-дан және әуеден бақылау 75 %-дан төмен болмауы керек.

Сондай-ақ, сала мамандары өрт қаусіпіздігін ескертеді. 

Өрт қауіпті маусымда орманда тыйым салынады: Орман күзеті көрсетілмеген және арнайы жабдықталмаған жерлерде от жағуға; Бөтелкелерді, шыны сынықтарды және басқа қоқыстарды қалдыру; Темекіні, жанып жанып жатқан сіріңкені тастауға; Техникамен ұшқын өшіргішсіз орманға бару.

Досжан Балабекұлы

https://kazgazeta.kz/news/126385