Жаңалықтар for smartphone » Страница 125 » Қазавиаорманқорғау

2020 жылдың 19 қазанында Ақмола, Бурабай және Көкшетау авиациялық бөлімшелерінің басшылары марапатталды

Кәсіби мереке-орман шаруашылығы қызметкерлерінің күніне орай, 2020 жылғы 19 қазанда Орман шаруашылығы жүйесіндегі көп жылдық адал еңбегі мен жоғары кәсібилігі үшін Ақмола облысы Табиғи ресурстар және табиғат пайдалануды реттеу басқармасының басшылығы Н.Н. Леснойды, В. В. Загоруйконы, Р. С. Омаровты Құрмет грамоталарымен марапаттады.

2020 жылдың 16 қазанында Сыбайлас жемқорлыққа қарсы күрес тақырыбында жиналыс өткізілді

Сыбайлас жемқорлыққа қарсы күрес бағдарламасын іске асыру жөніндегі іс-шаралар жоспарын орындау мақсатында 2020 жылғы 23 қыркүйекте "Қазавиаорманқорғау" РМҚК бас директоры Кесимбаев А.А. төрағалығымен бейнеконференцбайланыс арқылы мемлекеттік қызметшілердің сыбайлас жемқорлыққа қарсы мәдениетін қалыптастыруға арналған жиналыс өткізілді. Жиын барысында Антикор.лайф ағартушылық штабының мүшесі - Құмғанбаев Жандос Жұмабекұлы сөз сөйледі.

Қазіргі уақытта ҚР Мемлекеттік қызмет істері және сыбайлас жемқорлыққа қарсы іс-қимыл агенттігі Қазақстан Республикасының 2025 жылға дейінгі сыбайлас жемқорлыққа қарсы жаңа стратегиясының жобасын әзірледі. Стратегия жобасында сыбайлас жемқорлыққа қарсы шаралар көзделген, оларды іске асыру сыбайлас жемқорлық деңгейін барынша азайтуға мүмкіндік береді. Аталған агенттік жұмысының басым бағыттары қоғамдық тұрақтылыққа барынша қауіп төндіретін қылмыстарды анықтаумен және жолын кесумен қатар, сыбайлас жемқорлық және экономикалық қылмыстарды жасауға ықпал ететін себептер мен жағдайларды жою болып табылады. Мұны агенттік базасында құрылған мамандандырылған ахуалдық орталық та дәлелдейді, ол ақпараттық ресурстарды пайдалана отырып, елдегі криминогендік ахуалдың мониторингін жүзеге асырады. Сыбайлас жемқорлыққа қарсы күрестің маңызды және тиімді әдісі сыбайлас жемқорлық құқық бұзушылықтарға жол бермеу бойынша профилактикалық, ағартушылық жұмыс болып табылады.

Сонымен қатар, дәріскер "Антикор.лайф" негізгі бағыты ашықтыққа, көпшілікке қолжетімді болуға, ҚР Мемлекеттік қызмет істері және сыбайлас жемқорлыққа қарсы іс-қимыл Агенттігімен халықтың кері байланысын қамтамасыз етуге бағытталғанын айтты.

Заң бөлімінің басшысы Ж. О. Ибраев мемлекеттік органдар басшыларының "Антикор.лайф" форматында сөз сөйлеуі қаншалықты тиімді деген сұрақ қойды. Дәріскер Ж.Ж. Құмғанбаев бұл сөз сөйлеулер мемлекеттік органдардың, мекемелер мен кәсіпорындардың қызметі туралы ақпараттың ашықтығын, қол жетімділігін қамтамасыз етеді деп жауап берді. 2020 жылы 5 қазанда бас директор Кесмбаев А.А. сыбайлас жемқорлыққа қарсы қызметі бойынша кәсіпорын жұмысы туралы баяндамамен сөз сөйлегені бұл жұмыстың мысалы.

Жиын соңында "Қазавиаорманқорғау" РМҚК бас директоры Кесимбаев Арман сөз сөйледі:

"Мемлекеттік қызметшілердің сыбайлас жемқорлыққа қарсы мінез-құлқы Мемлекеттік қызмет туралы Заңның 52-бабында белгіленген, оның нормаларынан мемлекеттік қызметшілер сыбайлас жемқорлық көріністеріне қарсы тұруға, сыбайлас жемқорлық құқық бұзушылықтарға жол бермеуге, басқа мемлекеттік қызметшілер тарапынан сыбайлас жемқорлық құқық бұзушылық фактілерінің жолын кесуге тиіс екендігі келіп шығады.

Сонымен бірге, егер мемлекеттік қызметшінің сыбайлас жемқорлық құқық бұзушылық туралы ақпараты болса, ол мұндай құқық бұзушылықты болғызбау және тоқтату жөнінде қажетті шаралар қолдануға, оның ішінде жоғары тұрған басшыға, өзі жұмыс істейтін мемлекеттік органның басшылығына, уәкілетті мемлекеттік органдарға жазбаша нысанда дереу хабарлауға тиіс. Мемлекеттік қызметші өзін басқа адамдардың сыбайлас жемқорлық құқық бұзушылықтар жасауға көндіру жағдайлары туралы да аталған адамдар мен органдарға жазбаша нысанда дереу хабарлауға міндетті."

2020 жылдың 19 қазанында Бородулиха авиациялық бөлімшесінің қызметкері профилактикалық әңгімелесулер өткізді

2020 жылдың 19 қазанында Бородулиха авиациялық бөлімшесінің десантшы-өрт сөндірушісі Д.Ю. Мокроусовпен халықты ақпараттандыру бойынша бағдарлама шеңберінде жергілікті тұрғындар арасында "орманда өрт қауіпсіздігі ережелерін сақтау" тақырыбында әңгіме өткізілді. Ауыл тұрғындары орман өртін анықтау кезіндегі сақтық шараларымен, орманда адасқан адамдардың іс-әрекеттерімен, орманға барған кезде санитарлық нормалардың сақталуымен танысты.

2020 жылдың 18 қазанында Жамбыл авиациялық бөлімшесінің өрт сөндіруші-десантшысы Ж. К. Серікбаев марапатталды.

Кәсіби мереке - орман шаруашылығы қызметкерлерінің күніне орай, 2020 жылғы 18 қазанда Орман шаруашылығы жүйесіндегі көп жылдық адал еңбегі және жоғары кәсібилігі үшін Жамбыл авиациялық бөлімшесінің өрт сөндіруші-десантшысы Ж. К. Серікбаев марапатталды.

2020 жылдың 17 қазанында өрт табылды

2020 жылдың 17 қазанында Бұланды орманшылығының 78 орамы, "Бурабай"МҰТП аумағында өрт шықты. Өрт апатымен күреске Бурабай авиациялық бөлімшесінің, Бурабай МҰТП, "Отрадненское УЛХ" КММ, ТЖД, "ҚТЖ "ҰК"АҚ күштері мен құралдары лақтырылды. Өрт 2020 жылдың 18 қазанында ауыздықталды. Өртті оқшаулау мен жоюға тікұшақ, өрт пойызы, 100-ден астам адам және 10-нан астам техника жұмылдырылды. 2020 жылғы 18 қазанда өрт орнына жағдайды мониторингілеу, салдарын бағалау және өрт алаңын есептеу үшін Ақмола авиациялық бөлімшесінің тікұшағы келді.

2020 жылдың 15 қазанында өрт табылды

2020 жылдың 15 қазанында Ақмола авиациялық бөлімшесінің қызметкерлері авиациямен қарауылдау барысында Бектау ауылдық округінің аумағында дала өртін анықтады. Өрт апатымен күреске Ақмола авиациялық бөлімшесінің, "Кеңес ОШ" КММ және жергілікті өрт сөндіру бөлімінің күштері мен құралдары лақтырылды. Өртті ауыздықтауға және жоюға тікұшақ, Ақмола авиациялық бөлімшесінің 10 десантшы-өрт сөндірушісі, "Кеңес ОӨШ" КММ-нің 12 адамы, жергілікті өрт сөндіру бөлімінің 10 адамы және 7 бірлік техника жұмылдырылды.

2020 жылдың 18 қазанында Баянауыл авиациялық бөлімшесінің қызметкерлері марапатталды

2020 жылдың 18 қазанында Баянауыл авиациялық бөлімшесінде орман шаруашылығы қызметкерлерінің күніне арналған мамандарды салтанатты марапаттау рәсімі өтті. "Қазавиаорманқорғау" РМҚК атынан - АӨТ нұсқаушысы Е. Б. Ибраев сыйақы төлене отырып мадақтамамен марапаттталды. Баянауыл МҰТП басшылығынан: өрт сөндіруші десантшылар Жұмабай Г. Ж., Гарин А. А., Отарбаев С. М. және радиооператор Окладникова О. В. мадақтамалармен марапатталды.

Орман шаруашылығы қызметкері күнімен

Орман шаруашылығы қызметкерлері күні - кәсіби мереке қарсаңында, 2020 жылғы 16 қазанда орман шаруашылығы жүйесіндегі көп жылдық адал еңбегі және жоғары кәсібилігі үшін сыйлық төлене отырып, құрмет грамоталарымен марапатталды:

1. Кондратов Максим Викторович, Қарқаралы авиациялық бөлімшесінің өрт сөндіруші-десантшысы;

2. Степанищев Александр Олегович, Катонқарағай авиациялық бөлімшесінің өрт сөндіруші-десантшысы;

3. Серікбаев Жанболат Қанатбекұлы, Жамбыл авиациялық бөлімшесінің өрт сөндіруші-десантшысы;

4. Ушетов Николай Николаевич, Алматы авиациялық бөлімшесінің өрт сөндіруші-десантшысы;

5. Клименко Анатолий Владимирович, Ақмола авиациялық бөлімшесінің өрт сөндіруші-десантшысы;

6. Гущина Людмила Николаевна, Көкшетау авиациялық бөлімшесінің радиооператоры;

7. Баймағамбетов Диас Сейсенбекұлы, Бурабай авиациялық бөлімшесінің өрт сөндіруші-десантшысы;

8. Валл Владимир Александрович, Қостанай авиациялық бөлімшесінің өрт сөндіруші-десантшысы;

9. Литвинова Марина Михайловна, Шығыс авиация буынының диспетчері;

10. Ажмагиев Евгений Абдырашович, Өскемен авиациялық бөлімшесінің АӨК нұсқаушысы;

11. Трушников Владимир Ильич, Бородулиха авиациялық бөлімшесінің өрт сөндіруші-десантшысы;

12. Мусин Таңатбек Қалтайұлы, Бөкебай авиациялық бөлімшесінің өрт сөндіруші-десантшысы;

13. Ыбыраев Ерқанат Бекенұлы, Баянауыл авиациялық бөлімшесінің инструкторы;

14. Давыденко Вадим Александрович, Талдықорған авиациялық бөлімшесінің өрт сөндіруші-десантшысы;

15. Чиркин Александр Иванович, орталық аппараттың авто-слесарі;

16. Исбаев Дәулет Төленұлы, Алматы авиациялық бөлімшесінің өрт сөндіруші-десантшысы.

Кәсіпорын ұжымы құттықтауларға қосылады және қызметкерлерге күрделі және жауапты жұмыста табыс, денсаулық пен амандық тілейді!

2020 жылдың 16 қазанында Ақмола авиациялық бөлімшесінің өрт сөндіруші десантшысы А. В. Клименко марапатталды.

Орман шаруашылығы қызметкерлерінің күні - кәсіби мереке қарсаңында 2020 жылғы 16 қазанда Ақмола авиациялық бөлімшесінің өрт сөндіруші-десантшысы А.В. Клименко орман шаруашылығы жүйесіндегі көп жылдық адал еңбегі мен жоғары кәсібилігі үшін марапатталды.

2020 жылдың 17 қазанында Баянауыл авиациялық бөлімшесінің қызметкерлері профилактикалық әңгімелесулер өткізді

2020 жылдың 17 қазанында Жасыбай демалыс аймағының туристері арасында өртке қарсы тақырыпта профилактикалық әңгіме жүргізілді. Әңгімелесу барысында қатысушылар МОҚ аумағында отпен жұмыс істеу кезіндегі сақтық шараларымен, орман өртін анықтау кезіндегі іс-әрекеттермен, орманға барған кезде санитарлық нормаларды сақтау ережелерімен таныстырылды.

Популярные новости