2022 жылғы 26 шілдеде Жамбыл авиациялық бөлімшесінің мамандары табиғат қорғау полициясының өкілдерімен бірлесіп табиғат пайдалану қағидаларының сақталуын бақылау және табиғат қорғау заңнамасын бұзу фактілерін анықтау мақсатында қорғалатын аумақты аралап шықты. Авиациямен қарауылдау барысында табиғат қорғау заңнамасын бұзушылықтар анықталған жоқ.

2022 жылғы 26 шілдеде Бурабай авиациялық бөлімшесінің десантшы-өрт сөндірушісі В.В. Павлов халықты хабардар ету бағдарламасы шеңберінде Бурабай курортының демалушылары арасында "орманды өрттен сақта"тақырыбында профилактикалық дәріс өткізді. Дәріске қатысушылар ормандағы отты пайдалану кезіндегі сақтық шараларымен, орман өртін анықтау кезіндегі әрекеттермен, орманда адасқан адамдардың әрекеттерімен, орман алқаптарына барған кезде санитарлық нормалардың сақталуымен танысты. Сондай-ақ өртке қарсы насихат бойынша парақшалар таратылды.

2022 жылдың 26 шілдесінде Көкшетау авиациялық бөлімшесінің қызметкерлерімен авиациялық патрульдеу барысында Сандықтау ОӨШ Лейковский орманшылығының 129 кварталының аумағында өрт анықталды. Өртті оқшаулауға жердегі орман күзетімен бірлесіп Көкшетау авиациялық бөлімшесінің өрт сөндіруші десантшылары қатысты. Барлық қызметтердің үйлесімді іс-қимылдарының арқасында өрт ауыздықталып, жойылды.

2022 жылдың 25 шілдесінде Медеу филиалы Кіші Алматы орманшылығының 28 орамы аумағында өрт шықты. Өрт шыққан жерге өртті сөндіру және оның одан әрі таралуына жол бермеу үшін Алматы авиациялық бөлімшесінің өрт сөндіруші десантшылары, жердегі орман күзетінің және ТЖД қызметкерлері техникамен жіберілді. Өртті сөндіру күрделі тау бедерімен қиындады. Өртті сөндіруге қосымша сыртқы аспада суағар құрылғылары бар 2 Ми-8 тікұшағы тартылды. Жалпы алғанда өрт ошағына 30-дан астам мақсатты су ағызу орындалды. Барлық қызметтердің үйлесімді іс-қимылдарының арқасында өрт ауыздықталып, жойылды.

2022 жылдың 24 шілдесінде Кеңес ҚМУ Күзген орманшылығының 56 орамы аумағында өрт шықты. Өрт болған жерге Ақмола авиациялық бөлімшесінің өрт сөндіруші десантшылары мен жердегі орман күзетінің қызметкерлері өрт сөндіру және оның одан әрі таралуына жол бермеу үшін техникамен жіберілді. Барлық қызметтердің үйлесімді іс-қимылдарының арқасында өрт ауыздықталып, жойылды.

2022 жылғы 24 шілдеде Баянауыл МҰТП Жасыбай орманшылығының 39 орамы аумағында өрт шықты. Өрт шыққан жерге Баянауыл авиациялық бөлімшесінің жердегі орман күзетінің қызметкерлері мен өрт сөндіруші десантшылары өртті сөндіру және оның одан әрі таралуына жол бермеу үшін жіберілді. Барлық қызметтердің үйлесімді іс-қимылдарының арқасында өрт ауыздықталып, жойылды.

2022 жылдың 23 шілдесінде Қарқаралы авиациялық бөлімшесінің мамандары Қарқаралы МҰТП өкілдерімен бірге күзетілетін аумақты аралап шықты. Авиациямен қарауылдауды жүргізу кезінде мемлекеттік орман қоры аумағындағы және оған іргелес мемлекеттік орман қоры аумағындағы шабындықтар, ауыл шаруашылығы алқаптары мен жайылымдар қаралды.

Ормандар мен ерекше қорғалатын аумақтарда өрт қауіпсіздігі ережелерін сақтау тақырыбына нұсқамалар мен парақшалар таратылды. МОҚ аумағын қарау кезінде өрт және орман тәртібін бұзушылық анықталған жоқ.